Дүйшөмбүдө акча алмаштырчу жайлар АКШ долларын сатууну токтотту. Буга 11-февралдан бери тажик акчасы-сомонинин долларга салыштырмалуу 3 процентке арзандашы себеп болду. 10-февралда 1 доллар 4, 8 сомониге барабар болсо, бүгүн жума күнү 1 доллар үчүн 5 сомониден көп сурашууда. Тажикстандын улуттук банкынын билдиришинче, сомонинин арзандашына казак теңгесинин девальвацияланышынын эч кандай тиешеси жок.