Эверестке чыгып бараткан он эки альпинист курман болду

Непалдын туризм агенттигинин маалымдашынча, жергиликтүү жол көрсөткүчтөр баштап бараткан альпинисттерди 18-апрелде эртең менен кар көчкү басып калган. Оболу төртөөнүн сөөгү табылганы маалымдалган.

Буга чейин дүйнөнүн эң бийик чокусуна чыгып бараткан альпинисттер бир учурда мынча көп өлүмгө дуушар болгон эмес. Кар көчкү 8850 метр бийикке альпинисттер көп жүрчү жолдо болду. Ырасмий маалымдалганга караганда, таң эртелеп непалдык жол көрсөткүчтөр альпинисттер чыкчу асканын бетиндеги жиптерди текшергени чыгып кеткен экен.