Жаза аткаруу кызматынын жооптуу кызматкерлери “кызматынан кыянаттык менен пайдаланган”, “өлкө кызыкчылыгына каршы келишим боюнча мамлекеттик сатып алуу жүргүзгөн” деп айыпталып жатат. Бул тууралуу 28-апрелде Башкы прокуратура маалымдады. Ага ылайык, аталган кызматтын өкүлдөрү былтыр унду атайылап жогорку баада сатып алган. Натыйжада өлкө казынасына 883 миң сомго жакын зыян келгени аныкталды. Учурда тергеп-иликтөө уланууда.(KE)