Түркияда чет элдиктердин кирүү тартибин тескеген мыйзам өзгөрдү. Бул тууралуу бүгүн Кыргызстандын Тышкы иштер министрлигинен кабарлашты. Эми Түркияга бараткан чет өлкөлүк жарандын паспортунун мөөнөтү визада көрсөтүлгөн убакыттан 60 күн кем болбошу керек. Келерки жылдын 1-январынан тарта паспортунун аяктаар мөөнөтү 60 күндөн кем болгондор Түркияга кире албайт. Ошондуктан Тышкы иштер министрлиги бул өлкөгө бара турган жарандарга паспортунун жарактуу мөөнөтүн узартуу керектигин эскертти. (RK)
