Пакистан жана Индия өкмөт башчылары Нью-Делиде сүйлөшүү өткөрдү

Анда жаңыдан шайланган Индия өкмөт башчысы Нарендра Моди коллегасы Наваз Шарифти Пакистан аймагын террорчулардан тазалап, алардын Индияга каршы кол салуусуна жол бербөөгө чакырды. Пакистан өкмөт башчысы өз кезегинде эки мамлекеттин ортосунда "чын ниеттен кызматташуу барагын ачуу" гана ийгиликке алып келерин белгилеген.

Эки өлкөнүн өкмөт башчылары 2008-жылы Мумбайда 166 адамдын өмүрүн алып кеткен террордук чабуулдан кийин Нью-Делиде биринчи жолу жолугушту. (AiT)