Исламабад шаарында өкмөттү кетирүү талабы менен оппозиция өкүлдөрү уюштурган митингге жекшембиде дагы миңдеген кишилер кошулду. Байкоочулар нааразылык акциясына чыккандар он миңден көп экенин маалымдады.
Акциянын уюштуруучулары, оппозиция лидерлери – мурунку крикет жылдызы Имран Хан жана белгилүү аалым Мухаммад Тахир ул-Кадрий баштаган топ премьер-министр Наваз Шарифтин жана ал башкарып жаткан өкмөттүн отставкасын талап кылууда.
Имран Хан 2013-жылдагы алгачкы демократиялык шайлоодо Наваз Шариф жасалма добуш менен жеңишке жетишкенин буга чейин билдирген. Ал эми Мухаммад Тахир ул-Кадрий анын тарапкерлери Наваз Шариф тарабынан өлтүрүлгөнүн айтып, өкмөт башчыны камакка алууну талап кылып келет.
