Өзгөчө кырдаалдар министрлигинин басма сөз катчысы Абдишарип Бекиловдун “Азаттыкка” билдиришинче, окуя кечээ 25-августта Талас шаарында болгон. Маалыматка караганда, “Биримдик” аттуу компаниянын автобазасында 10 тонналык бензовоз күйүп, анын кесепетинен 6 киши жабыркаган. Азыр алар Талас облустук ооруканасында жатат. Айдоочунун абалы оор, калган беш киши жеңил жарат алышкан.
Машине күйгөн учурда анын ичинде 7 тонна күйүүчү майы болгон. Өрттүн себептери аныктала элек. (AzK)
