Бүгүн Ош шаарындагы Токтогул Сатылганов атындагы сейил бакта 15 жыл мурун Баткендеги куралдуу кагылышта курман болгондор эскерилет. Ош шаардык милициясынан кабарлашкандай, митинг-реквиемди Баткен жана башка куралдуу кагылышуулардын ардагерлер бирикмеси уюштурууда.
1999-жылы Баткендеги Зардалы айылына экстремисттик топтордун куралчан өкүлдөрү кирип келип, өлкөнүн аймактык бүтүндүгүнө коркунуч жаралган. Анда элүүдөн ашуун кыргызстандык набыт болгон. Ошол жылы 13-октябрда 3 район, 2 шаарды камтыган Баткен облусу түзүлгөн. (SE)