Жүрөктүн тубаса кемтик оорусу менен жабыркаган балдарга жардам берүү максатында 1-ноябрда башталган акцияны Благо.kg коомдук фонду республикалык Кан борборунун колдоосунда уюштурган. Анын жыйынтыгы менен оорукчан 47 балага операция жасалат. Дарылоо иштерин жергиликтүү жана чет өлкөлүк адистер жүргүзөт.
Кан тапшыруу акциясы 18-ноябрга чейин уланат. Ага “жугуштуу оорусу жок” деген тастыктамасы бар жарандар катышса болот. (SE)
