Украинанын чыгышындагы Полтава шаары орус ырчысы жана мыйзам чыгаруучусу Иосиф Кобзондон “шаардын ардактуу атуулу” наамын алып салды.
25-ноябрда Полтава шаардык кеңеши 2002-жылы Кобзонго ыйгарылган бул наамды ырчынын антиукраиналык позициясынан улам алып салуу керек деп чечти.
Кобзон 1937-жылы Украинанын чыгышындагы Донецк аймагында туулган.
Кобзон орус Мамлекеттик Думасынын мүчөсү катары Украина боюнча орус президенти Владимир Путиндин саясатын жактап, Крымдын аннексияланышын колдоп келет.
Сентябрда Украинанын дагы бир шаары- Днепропетровск Кобзондон “шаардын ардактуу атуулу” наамын алып салган.
Украинанын коопсуздук кызматы Кобзонду өлкөгө кирүүгө тыюу салынган адамдардын тизмесине киргизген.
