Жогорку Кеңеш депутаттары өлкөнүн 2015-жылга карата бюджетин үчүнчү окууда кабыл алды. Бюджеттин долбооруна ылайык, кийинки жылы киреше 117 миллиард сом, ал эми чыгаша 132 миллиард сом түзөөрү болжолдонууда. Тартыштык 14 миллиард сомдон ашмай болууда. Бул сан өлкөнүн ички дүң продукциясынын 3,2 пайызын түзөт.
Премьер-министр Жоомарт Оторбаев кийинки жылдын бюджетин “өтө амбициялуу” деп мүнөздөдү. Анын айтымында, 2015-жылы ички дүң продукциянын өсүшүн 6,2 пайыз болот деп күтүлүүдө. (BkA)
