Чукул эскертүү
Жаан-чачынга байланыштуу жана күндүн ысышынан улам 27-февралга чейин тоолуу унаа жолдордо кар көчкү коркунучу сакталат. Жолдор тайгак болот. Адистер айдоочуларга унаалардын ортосунда 500 метр аралыкты сактоо керектигин эскертет.
Аба ырайы
25-февралда айрым жерлерде кар аралаш жамгыр, тоолордо кар жаайт. Чүй, Талас, Ош, Жалал-Абад, Баткен облустарынын кээ бир райондоруна туман түшөт. Түндүк-батыштан соккон шамалдын ылдамдыгы секундасына 3-8, күндүз Ысык-Көл акваториясында 15-20 метрге жетет.
Абанын температурасы:
Чүй өрөөнүндө түнкүсүн 0...-5, күндүз 1...6,
Талас жергесинде түнкүсүн 0...-5, күндүз 0...5,
Баткен облусунда түнкүсүн -3...+2, күндүз 4...9,
Ош жана Жалал-Абад аймактарында түнкүсүн -2...+3, күндүз 5...10,
Ысык-Көл дубанында түнкүсүн -1...-6, күндүз -1...+4,
Нарында түнкүсүн -6...-11, күндүз 0...-5,
Тоолуу райондордо түнкүсүн -17...-22, күндүз -4...-9 градус болот.
Бишкек шаарында бир аз кар аралаш жамгыр жаашы ыктымал. Абанын температурасы түнкүсүн 0...-2, күндүз 3...5 градус болот.
