Борис Немцов: 1959-2015

Борис Немцовдун тажыясы 3-мартта, Москвадагы Сахаров борборунда өтөт. Ошол эле күнү анын сөөгү жерге берилет. Немцовду 27-февралдын кечинде Москворец көпүрөсүнөн атып кетишкен. Оппозициячыл саясатчынын өлүмү боюнча тергөөчүлөр бир канча божомолду карашууда. Анын ичинде “өлкөдөгү саясий абалды туруксуздаштыруу үчүн жасалган чагым” болушу мүмкүн экендиги да айтылууда. Бүгүн орус оппозициясы Борис Немцов өлтүрүлгөн жерге аны эскерүү үчүн жүрүшкө чыгат.