Ирандын ядролук программасы боюнча бүгүн аяктаган үч күндүк сүйлөшүүгө АКШнын мамкатчысы Жонн Кэрри жана Ирандын тышкы иштер министри Мохаммад Жавад Зариф катышты. Зариф Швейцариянын Мотрө курортундагы сүйлөшүүдө жылыш болгонун, бирок бүтө элек көп иш бар экенин билдирди. Кэрри кабарчыларга «башынан эле бул сүйлөшүүлөр оор, татаал болгон, азыр деле ошондой» деди. Ал сүйлөшүүнүн максаты эптеп эле келишим түзүү эмес, келечектүү макулдашууга жетишүү экендигин кошумчалады.
