17-марттан 19-мартка чейин жаап өткөн жаан-чачынга жана абанын температурасынын жогорулашына байланыштуу тоолуу райондордо, Бишкек-Ош, Ала-Бука-Каныш-Кыя, Мырзаке-Кара-Кулжа-Алайкуу, Каракол-Эңилчек, Казарман-Акталчат унаа жолдорунда кар көчкү коркунучу күтүлөт. Жолдор тайгак болуп, муз тоңот. Унаалардын ортосунда 500 метр аралык кыймыл чектелиши керек.
18-мартта Кыргызстан боюнча жаан-чачын күтүлбөйт. Тоо этектеринде жана тоолуу райондордо жолдор тоңголок, тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетет.
Абанын температурасы:
Чүй өрөөнүндө түнкүсүн 0...-5, күндүз 11...16,
Талас жергесинде түнкүсүн -2...-7, күндүз 8...13,
Баткен облусунда түнкүсүн -2...+3, күндүз 10...15,
Ош жана Жалал-Абад аймактарында түнкүсүн -2...+3, күндүз 11...16,
Ысык-Көл дубанында түнкүсүн -3...-8, күндүз 2...7,
Нарында түнкүсүн -10...-15, күндүз 2...7,
Бийик тоолуу райондордо түнкүсүн -20...-25, күндүз -5...-10 градус болот.
Бишкек шаарында жаан жаабайт. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы түнкүсүн 0…-2, күндүз 14…16 градус жылуу болот. (КЕ)
