Бүгүн, 25-апрелде Оштогу жана Айдаркендеги чек ара бөлүктөрүндө 365 жоокер ант берди. Мамлекеттик чек ара кызматы билдиргендей, алардын 224ү Ошто, 141и Айдаркенде уюштурулган салтанатта мекенди коргоого киришти.
Ант берүү аземине Чек ара кызматынын жетекчилиги, ардагерлер жана аскерлердин ата-энелери келди. Ант берген жоокерлер Ош, Жалал-Абад жана Баткен облустарындагы чек ара бөлүктөрүнө бөлүнүп, кызмат кылышат. (SE)