Президент Лукашенконун айтымында,“Европада кайрадан согуш илеби соксо да Беларус туруктуулуктун жана тартиптин аралы бойдон калууда”.
Ал 29-апрелде Беларус парламентине жасаган жылдык кайрылуусунда Европа өлкөлөрүндөгү чыңалуу “Кансыз cогуш жылдарындагыдай абалда” деп Крым аннексиялангандан кийин Орусия-Батыш ортосундагы каршылашуу курчуганына токтолду.
Москва колдогон жикчилдер менен Украин армиясынын былтыртан бери Украинанын чыгышында жүрүп жаткан согушунда 6 100дөн көп адам өлгөн.
Лукашенко Беларустун көз карандысыздыгы тынчтыкты сактап жана экономиканы өнүктүрүү аркылуу камсыздалат деп, миллиондогон адамдардын башын жеген Улуу Ата Мекендик согуштун сабактарын унутпайбыз деди. Ал өлкөнү 1994-жылдан бери башкарат.
