Линктер

дүйшөмбү, 26-июнь, 2017 Бишкек убактысы 01:16

Өкмөт жер көчкүдөн жабыркагандарга жардам көрсөттү


Жер көчкүдөн жабыркап Сузактын ооруканасында дарыланып жаткан беш адамга жардам көрсөтүлдү. Вице-премьер-министр Абдырахман Маматалиев ар бирине өкмөттүн атынан 20 миң сомдон тапшырды. Мындан сырткары жеңил жараат алгандарга 10 миң сомдон жардам берилди.

Буга чейин президенттин резервдик фондунан набыт болгондордун үй-бүлөлөрүнө 100 миң сом, өкмөттөн 50 миң сомдон бөлүнгөн.

Сузактын Кыр-Жол айылында 24-майга караган түнү көчкү жүрүп, кыр боорундагы беш үйдү жана айылдык эмкананы басып калган. Натыйжада 6 адам каза таап, айылдын 5 тургуну ооруканага жаткырылды. Набыт кеткендердин баарынын сөөгү жерге берилди. (RsK)

XS
SM
MD
LG