Премьер-министр Темир Сариев Саламаттыкты сактоо министрлигине, өкмөттүн алдындагы социалдык саясат бөлүмүнө үч эм төрөгөн келинге керектүү жардамды көрсөтүү тапшырмасын берди. Бул тууралуу “Азаттыкка” өкмөттүн маалымат кызматынан кабарлашты.
Бишкектеги Эне жана баланы коргоо улуттук борборунда үч эм төрөгөн Бактыгүл Камчыбек кызы жардамга муктаж экенин өзү 5-июнда ”Азаттыкка” билдирген. Ал жолдошу менен кош бойлуу кезинде ажырашып кеткенин, апасы аны кабыл албай коюп Бишкекке келгенин, азыр барар жери жок экенин айткан болчу. (КЕ)
