Жогорку Кеңештин төрагасы Асылбек Жээнбеков баштаган парламенттик делегациянын Казакстандагы иш сапары башталды. Бул тууралуу Жогорку Кеңештин басма сөз кызматы билдирди.
Кыргыз делегациясы Казакстан Эл ассамблеясынын 20 жылдыгына арналган «Казакстандын жолу: Биримдик. Патриоттуулук. Реформалар» деген аталыштагы эл аралык конференцияга катышат. Ошондой эле казак мажилисинин төрагасы Кабибулла Жакупов менен жолугушат.
Иш сапардын алкагында Жогорку Кеңештин делегациясы “Астана ЭКСПО – 2017” эл аралык көргөзмөсүнө карата даярдык менен таанышып, Астана шаарындагы кыргыз диаспорасы менен жолугушмакчы. (TSh)
