Орусиянын Коргоо министрлигинин кабарлоосуна караганда, Канттагы орус аскердик аба күчтөрүнүн базасында бүгүн машыгуу башталды. Аскердик учактар тоолуу аймактагы Эделвейс полигонунда машыгат. Алар шарттуу түрдө бандиттик топторду жок кылууну үйрөнөт.
Машыгууга Су-25СМ жана Ми-8 үлгүсүндөгү аскердик учактар катышат. Канттагы авиабаза Орусиянын Куралдуу күчтөрүнүн Борбордук аскердик округуна кирет жана ал ЖККУнун коопсуздугун камсыздоого колдонулат. (AiT)
