Орусиянын КВН Жогорку лигасынын "Голосящий КиВиН - 2015" музыкалык фестивалында кыргызстандык "Азия MIX" командасы "Большой КиВиН в темном" байгесине ээ болду. Бул тууралуу аталган КВН лигасынын расмий сайтында кабарланды.
Финалдык оюн 18-июлда Орусиянын Светлогорск шаарында өттү. Анда "Большой в золотом" наамын орусиялык "Парапапарам" командасы, кийинки "Большой в светлом" наамын казакстандык "Спарта" жана "Большой в темномду" кыргызстандык команда алды.
"Голосящий КиВиН" жылда өтүүчү музыкалык фестиваль. Былтыр Юрмалада өткөрүлгөн, быйыл фестивалга катышуу үчүн тандоо турунан алты команда өткөн.
Фестивалдын КВН оюндарынан айырмасы - командалар музыкалык бир гана сынактан өтүшөт. (TSh)
