Тили ширин болсун деп мугалимдерге, мээримдүү болсун деп мектеп окуучуларына маал-маалы менен кант таратып, окуучуларга жомок айтууну адат кылган аксакал азыр Араван районунун Төө-Моюн айылында жашайт. Тургунбай Кудайназаровдун жашы сексенде. Ал аш-тойдон же мал багуудан бошобогон абышкалардан айырмаланып, баштыгына кант салып, айыл мектебине бат-бат баш багып турат. Бүгүн да мектепке кирип окуучуларга момпосуй таратып берди.