Эки күнгө созулган сот аялдар ассоциациясынын жыйыны бүгүн жыйынтыкталат. Бул тууралуу уюштуруучулар кабарлашты.
Сот аялдар ассоциациясынын алгачкы жыйынында ассоциациянын мындан кийинки иши, сот аялдар туш болгон көйгөлөр жана анын чечүү жолдору талкууланды.
Кыргызстанда сот болуп иштеген аялдар ассоциациясы ушул жылдын февраль айында түзүлгөн. Улуттук ассоциация Кыргызстандын сот системасынын көз каранды эместигин камсыз кылууга, анын ролун жогорулатууга, жарандардын сот адилеттигине жетүү мүмкүнчүлүгүн кеңейтүүгө салым кошуу максатын көздөйт. (TSh)
