Президент Алмазбек Атамбаев бүгүн Нарын жергесинде иш сапарда жүрөт. Аймактагы кабарчыбыздын билдиргенине караганда, эл менен жолугушуу облустук драма театрында өттү, бирок ага жергиликтүүлөр күн мурун даярдалган атайын тизме менен кирип, журналисттер катыштырылган жок. Жолугушууга облустагы райондордун өкүлдөрү, мекеме жетекчилери барды. Ал эми өлкө башчысы менен жолугушуу үчүн келген 200гө чукул адам сыртта калды. (MiK)
