Жайыл районунда 10 миң доллар карактаган деген шек менен грузиялык кримтөбөл Александр Чанкселиани кармалды. Бул тууралуу Жайыл райондук ички иштер бөлүмүнөн кабарлашты.
Маалыматка ылайык, 30-сентябрда жергиликтүү тургун “Лексус” унаасынан 10 миң долларды жана 150 миң сомду белгисиз адамдар карактап кеткенин милицияга билдирген.
Көп өтпөй Ново-Николаевка айылынан 1975-жылы туулган Грузия жараны Александр Чанкселиани кармалган. Ал крим дүйнөдө “блатной” деген каймана ат менен белгилүү. Ал айыптоону четке кагып, окуяга тиешеси жок экенин айтууда. (UEz)
