“Роза Отунбаеванын демилгелери” эл аралык коомдук фонду быйылкы жайлоо бала бакчалары арасында жарыялаган сынактын жыйынтыгын чыгарды. Ага ылайык, баш байгеге сайылган жасалгасы менен боз үй Лейлек районунун Лейлек айылындагы “Ак Шумкар” бала бакчасына ыйгарылды. Андан сырткары аймактарда бала бакча уюштурууга активдүү катышкан тогуз адамга эс алууга Түркияга жолдомо берилди.
Былтыр өлкө боюнча жалпысынан 100гө жакын жайлоо бала бакчасы иштеп, 800дөн ашуун балага билим берилген. Иш-чара аталган фонддун "Жайлоо бала бакчалары" долбоорунун алкагында жана жергиликтүү бийлик менен бирге ишке ашууда. (TSh)
