Талибдердин негизги тобунан бөлүнгөндөр Молдо Мохаммад Рэзул Ахандды өз лидерлигине тандап алышканын 2-ноябрда жарыялашты. Талибдердин лидери Молдо Омар 2 жыл мурун каза тапкандан кийин анын ордуна Молдо Ахтар Мансур келген.
АКШ баштаган чет өлкөлүк күчтөргө жана ооган өкмөтүнө каршы күрөштү көздөгөн Мохаммад Рэзул Аханд “Молдо Омар менен он жыл бирге болгон жана ал ишенген адам” экени айтылууда. Талибдерден бөлүнгөн жоочулардын дагы бир тобу "Ислам мамлекети" экстремисттик тобуна баш ийип кетишкен. (AiT)
