Сербиянын тышкы иштер министрлиги 8-ноябрда жарыялагандай, алардын Ливиядагы элчилигинин эки кызматкери бул өлкөнүн түндүк-батышындагы Сабрата шаарчасынан уурдалып кеткен.
Серб тышкы иштер министрлиги ошондой эле болушунча көбүрөөк маалымат алып, уурдалып кеткендерди аман-эсен кайтаруу үчүн колдон келгендин баары жасалып жатканын кошумчалады.
Ливияда 2011-жылы Муаммар Кадафи бийликтен кулатылып, өлтүрүлгөндөн бери башаламандык өкүм сүрүүдө.
Түндүк Африканын мунайга бай өлкөсүндө азыр кош бийлик орноп, өлкө аймагын атаандаш аскерий топтор колдогон эки өкмөт бөлүп алып башкарууда. (UE)
