Чүйдө милициянын сержанты, маркум Тынчтык Абдрахманов Ички иштер министрлигинин "Каармандык" медалы менен сыйланды. Бул тууралуу бүгүн ИИМден кабарлашты.
Абдрахманов 8-ноябрда Токмокто шар аккан суу каналына түшүп кеткен аялды куткарам деп жатып өзү кошо агып кетип мерт болгон.
26 жаштагы маркумдун артында 2 баласы жетим калды. Ал милицияда иштегенине 2 жыл болгон.
Абдрахмановдун үй-бүлөсүнө жардам иретинде президенттик фонддон 100 миң, өкмөттөн 100 миң жана ИИМден 100 миң сом бөлүнгөн. Чүй милициясында иштегендер бир күндүк маянасын чогултуп берүүнү чечкен. (RK)
