Испанияда жекшемби күнү өткөн парламенттик шайлоонун жыйынтыгы боюнча консерваторлор 350 орундуу парламентте жеңишке жетишип, бирок көпчүлүктү түзө албай калышты. Премьер-министр Мариано Рахой башында турган Элдик партия 28,7%, социалисттер 22%, жаңы күчтөр катары саналган ПОДЕМОС 20,6% жана “Жарандар” партиясы 13,9% добушка ээ болду.
Шайлоого жарандардын 72% келген. Парламенттик шайлоо жыйынтыгы көрсөткөндөй, көпчүлүк коалиция түзүү үчүн кеминде үч партия катышыш керек. (AiT)
