Талас облустук Ички иштер башкармалыгынын ыкчам-иликтөө тобунун кызматкери жасалма диплом менен иштеп жүргөнү аныкталды. Улуттук коопсуздук мамлекеттик комитетинин Коррупцияга каршы кызматы облустук милициянын 5-бөлүмүндө иштеген ага лейтенант жасалма документ менен жумушка жайгашканын билдирди.
Иликтөө маалыматтарына караганда, ал Кыргыз улуттук университетинин Экономика факультетин 2010-жылы аяктаганын тастыктаган диплом менен жумушка кирген жана төрт жыл иштеген. Текшерүү учурунда ал документ жасалма болуп чыккан.
Бул факт боюнча Талас облустук прокуратурасы кылмыш ишин козгоду. (SE)