Кыргыз өкмөтүнүн маалыматы боюнча, буга сырттан которулган акчанын азаюусу таасир берген. Маалыматка ылайык, 2015-жылдын он бир айында сырттан которулган акчанын көлөмү мурунку жылга салыштырмалуу 29,4% азайган. Ал эми күнүмдүк суроо-талаптын көбөйүүсүнө айлык акынын көбөйгөнү түрткү болгонун өкмөттөн билдиришти. Анда айтылгандай, 215-жылдын январь айынан октябрга чейин айлык акы 1,4% көбөйгөн.
Айрым адистердин айтуусунда, өткөн жылы Кыргызстанда дүң жана чекене сооданын азаюусуна өлкөнүн ЕАЭБге кирүүсү негизги себеп болду. Реэкспорттун токтоосу, сырттан кирген товарларга бажы төлөмдөрүнүн кымбаттоосу “Дордой”, “Карасуу” сыяктуу ири дүң базарлардагы сооданын басаңдашына алып келгени айтылууда.(ZKo)
