Көз карандысыз мамлекеттердин шериктештигине мүчө айрым өлкөлөрдүн атайын кызматтарынын эксперттери терроризмге каршы күрөштү жандантуу максатында Бишкек шаарына чогулушту. 20-январда башталган кеңешмеге Кыргызстан, Өзбекстан, Казакстан, Орусия жана Тажикстандагы Улуттук коопсуздук комитеттеринин өкүлдөрү келген. Алар диний экстремизмдин жайылуу себептерин өз өлкөлөрүнүн мисалында айтып, ой бөлүшүүдө.
Кыргызстандын атайын кызматынан “Азаттыкка” кабарлашкандай, бүгүн түштөн кийин эксперттер терроризм жана экстремизмге каршы биргелешип күрөштү жандантуу максатындагы пикирлерди топтоп, сунуштама даярдашат.
Диний эксперттер Борбор Азия мамлекеттеринде радикал көз караштагылар улам көбөйүп баратканын белгилешүүдө. (SE)
