Кыргызстанда быйыл өтө турган жергиликтүү кеңештерге шайлоодо биометрика колдонулат. Бүгүн президент Алмазбек Атамбаев «Жергиликтүү кеңештердин депутаттарын шайлоо жөнүндө” мыйзамды өзгөртүү тууралуу мыйзамга кол койду.
Ал жергиликтүү кеңештердин депутаттарын шайлоо процессин өркүндөтүүгө багытталган жана 2015-жылы Жогорку Кеңешке шайлоодо өзүн актаган биометриялык маалыматтардын, шайлоочулардын электрондук тизмелеринин жана добуштарды автоматтык түрдө санаган үкөктөрдүн негизинде инновациялык технологияларды пайдаланууну көздөйт.
Жергиликтүү кеңештерге шайлоонун датасы азырынча аныктала элек. (RK)
