Бишкек шаардык сотунда Жогорку Кеңештин мурунку төрагасы Акматбек Келдибековдун апелляциялык арызын кароо 10-февралда уланат. Бул күнү ошондой эле президенттик аппараттын мурунку башчысы Данияр Нарымбаев жана Хаджимурат Коркмазовдун ишин cоттук териштирүү дагы улантылмакчы.
Акматбек Келдибеков апелляциялык арызында толук актоо өтүнүчүн келтирген. Биринчи инстанциядагы сот Келдибековду коррупция боюнча актап, бирок Жогорку Кеңештин Москвадагы өкүлчүлүгүн ачуу иши боюнча 3 млн. сом айып пулга жыккан. (AiT)
