Бүгүн Жогорку Кеңештин «Республика – Ата-Журт» оппозициялык фракциясында “Коопсуз шаар” долбоору талкууланат. Фракциянын маалымат кызматынан кабарлашкандай, бул маселе боюнча премьер-министр Темир Сариевдин отчету угулат. Ошондой эле ички иштер министри Мелис Турганбаев маалымат берет.
Милициянын ишинин ачыктыгын, ыкчамдыгын камсыз кылуучу «Коопсуз шаар» долбоору тууралуу бир нече жылдан бери айтылып келатат. Бирок инвестор маселесине байланыштуу аны ишке ашыруу баштала элек.
Коңшу республикаларда мындай долбоор жакшы натыйжасын берүүдө. (RK)
