Линктер

ЧУКУЛ КАБАР!
24-Октябрь, 2021 жекшемби, Бишкек убактысы 16:38

Орусия Түркияны террорчуларды тымызын колдоп жатат деп айыптады


Мындай сөзүн Орусиянын Сириядагы эки жаат болуп чатакташкан тараптарды элдештирүү борборунун жетекчиси, генерал-лейтенант Сергей Кураленко айтты.

Анын сөзүнө караганда, күнү-түнү Түркиядан Сирияга чек ара аркылуу оор жүк ташуучу унаалар өтүүдө. "Алар Орусияда тыюу салынган «ан-Нусра», «Ахрар Аш-Шам» террордук уюмдар көзөмөлдөгөн аймактарга курал-жарак жана башка каражаттарды жеткирет деген божомол бар" дейт Кураленко.

Ал арада Сирия оппозициясы президент Башар Асадга баш ийген күчтөр козголоңчулардын позициясына чабуул жасоону улантуу менен тынчтык келишиминин аткарылышына коркунуч жаратып жатканын жарыялады.

Франция да Сириядагы ок атууларды токтотуу тууралуу Орусия – АКШ макулдашуусунун шарттары бузулуп, оппозициянын кошуундарына кол салган учурлар бар экенин маалымдады.

Буга чейин АКШнын мамлекеттик катчысы Жон Керри Сирияда тынчтык орнотуу келишимин бузган учурлар дыкат иликтенип жатканын жана андан майнап чыкпады деп тыянак чыгарууга негиз жоктугун белгилеген.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG