Облус аймагында диний экстремизм жана терроризмдин алдын алуу максатында Таш-Көмүр шаарында бүгүн "Хизб ут-Тахрир "диний экстремисттик уюмуна мүчө адамдардын үйү тинтүүгө алынды.
Бул тууралуу облустук милициянын басма сөз кызматы билдирет. Беш үй-бүлөгө жүргүзүлгөн ыкчам иш-чаралар учурунда видео кассета, ар кыл жазуу баракчалары жана китептер далил буюм катары алынып, шаардык ИИБга өткөрүлүп берилди. Учурда теологиялык экспертиза дайындалууда. Өткөн жылы "Хизб ут-Тахрир" диний экстремисттик уюмунан үч адам чыккандыгын жарыялаган.(RsK)