Линктер

ЧУКУЛ КАБАР!
28-Октябрь, 2021 бейшемби, Бишкек убактысы 04:14

Атамбаев: кризис шартында өкмөттү ыкчам шайлоо керек


Президент А. Атамбаев фракция лидерлери менен.

Президенттин маалыматтык саясат бөлүмүнөн кабарлашкандай, президент Алмазбек Атамбаев бүгүн көпчүлүк коалициянын лидерлери менен жолукту. Анда мамлекет башчы кризис шартында жана жазгы талаа жумуштары кызып турган кезде Жогорку Кеңеш жаңы өкмөттү дайындоо жана анын программасын бекитүү маселелерин мүмкүн болушунча тез арада караш керектигин айтып, өкмөттүн курамына өзгөртүүлөрдү киргизүүнү кийинчерек деле караса болорун билдирди.

Алмазбек Атамбаев менен жолугушууга КСДП фракциясынын лидери Чыныбай Турсунбеков, «Кыргызстан» фракциясынын лидери Канат Исаев, «Өнүгүү-Прогресс» фракциясынын лидери Бакыт Төрөбаев, «Ата Мекен» фракциясынын өкүлү Сайдулла Нышанов катышты.

Буга чейин өздүк булактар “Азаттыкка” премьер-министрлик кызматка учурдагы президенттик аппарат жетекчисинин биринчи орун басары Сооронбай Жээнбековдун талапкерлиги сунушталып жатканын билдирген. (SDz)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG