Линктер

жума, 23-июнь, 2017 Бишкек убактысы 16:23

Армения Азербайжанды элдешүү жараянын бузду деп айыптоодо


Тоолуу Карабактагы азери аскери

Армениянын Коргоо министрлиги түндө Азербайжан тараптан ок атуулар болгонун, анда 82 миллиметрлик минометтор колдонулганын жарыялады. “7-майга оогон түнү армян-азери чек арасынын түндүк-чыгыш бөлүгү ок атууларга кабылды”, - деп айтылат Еревандын билдирүүсүндө.

Азербайжандын дарегине мындай айыптоолорду буга чейин Тоолуу Карабактын өкүлдөрү да айтышкан. Баку азырынча дооматка жооп кайтара элек.

Азербайжан менен Армения ортосундагы Тоолуу-Карабак жаңжалы 1990-жылдан башында чыгып, аймак Ереванга ыктаган жикчилдердин колуна өткөн. Согуш учурунда Азербайжан бир нече райондорун да тарттырып жиберген. 1994-жылы Кыргызстандын ортомчулугу менен согушту токтотуу келишимине кол коюлган.

Быйыл 2-апрелде абал кайрадан курчуп, салгылашууда эки тарап тең бир нече аскерин жоготту. Ошондон бери кырдаал чыңалып турат.

5-апрелде тараптар тынчтык келишими жетишилгенин, ок атышуулар токтотулганын жарыялаган. Көп узабай эле келишимдин шарттарын бузду деп бири-бирин айыптай баштады. Армения өкмөтү 5-май күнү Тоолуу Карабакты көз карандысыз республика катары таануу боюнча мыйзам долбоорду жактырды. Бирок парламент аталган документти караган жок.

Сиздин пикир

пикирлерди көрсөт

XS
SM
MD
LG