Линктер

ишемби, 24-июнь, 2017 Бишкек убактысы 01:07

Жаратылыш кырсыгынын алдын алуу иштери жүрүүдө


Нарын дарыясы.

Кыргызстандын бир катар аймактарында суу ташкын жана селдин алдын алуу, келтирилген кесепеттерди жоюу иштери уланууда. Нөшөр жаандан кийин пайда болгон селге байланыштуу Ысык-Көл, Нарын жана Чүй облустарында абал оор.

15-июнда Ат-Башы суусунун деңгээли көтөрүлүп, Нарын шаарынын өзүндө жана Ат-Башы районунун Ача-Кайыңды, Баш-Кайыңды, Талды-Суу айылдарында суу жээктен ашып, айрым жерлерде жолдорду каптап, көпүрөлөр суу алып кетүү коркунучунда калды.

Кочкор районунун Кара-Саз айылында дарыядан ашкан суу 5 гектардай айдоо аянтын жууп кеткени кабарланды.

Кечээ өзгөчө кырдаалдар министри Кубатбек Боронов ыкчам жыйын өткөрүп, өзү Нарынга, орун басарлары Баткен, Чүй, Ысык-Көл облустарына барышты.

Чүй жана Ысык-Көл облустарында да бир катар айылдарды суу каптап, сел коркунучу сакталууда. (NT)

XS
SM
MD
LG