Линктер

шаршемби, 23-август, 2017 Бишкек убактысы 04:41

2010-жылы парламенттик демократия жолун тандап алган Кыргызстан колдоого муктаж. Мындай пикирин бүгүн Бишкекте президент Алмазбек Атамбаев менен жолугушуудан кийин Германия канцлери Ангела Меркел билдирди.

"Биз Кыргызстандын тандоосун урматтайбыз. Өлкө колдоого муктаж" деген Меркел демократияны өнүктүрүү, бекемдөө жаатында буга чейин аткарылып келген иштер улантыларын билдирди.

Ал ошондой эле калк үчүн экономикалык өнүгүү маанилүү экенин баса белгилеп, Германияда окуп жаткан студенттердин санын көбөйтүү, эки өлкө ортосундагы туризм жаатындагы кызматташтыкты бекемдөө зарылдыгын да кошумчалады. (RK)

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG