Түштүк Казакстан облустук полициясы ыктымалдуу этникалык кагылышты алдын алуу максатында 30дан ашуун адамды камады. Кармоолор жергиликтүү тажиктер менен казактар ортосундагы жаңжалдан соң чыңалуу күчөгөн учурда болду.
Расмий маалыматтарга караганда, 2-август күнү белгисиз кишилер Ганы Муратбеков айылындагы бир дүкөндү, Дихан айылындагы эки үйдү жана бир автоунааны өрттөшкөн. Бул окуяга тиешеси бар деп 34 адам кармалды.
1-августта Түштүк Казакстан облусунун Сейфуллина кыштагында этинкалык тажиктер менен казактар кагылышкан. Ага тажик өспүрүм казак кызын зордуктаганы тууралуу имиштер себеп болгон. Полиция кыздын зордукталбаганы экспертизада тастыкталганын маалымдаган.
