Төкмө акындардын эл аралык айтышы быйыл онунчу жолу өтүүдө. Бүгүн борбор калаадагы академиялык драма театрында башталган биринчи турга кыргызстандык 31 акын катышууда. Айтыштын жобосу боюнча булардын ичинен 8 акын тандалып алынат. Алар Дүйнөлүк көчмөндөр оюнунда Казакстандан келген 8 акын менен айтышат.
Аталган айтыш Дүйнөлүк көчмөндөр оюнунун алкагында Эгемендүүлүктүн 25 жылдыгына жана "Айтыш" коомдук фондунун түзүлгөнүнүн 15 жылдыгына арналып өткөрүлүүдө.
Дүйнөлүк көчмөндөр оюну Ысык-Көл облусунун Кырчын жайлоосунда 3-8 сентябрда болот. (ZA)
