Линктер

ЧУКУЛ КАБАР!
20-Октябрь, 2021 шаршемби, Бишкек убактысы 16:23

АКШ Орусияны Илми Умеровду бошотууга чакырды


Илми Умеров

АКШнын Мамлекеттик департаменти Орусияны ден соолугу начарлаганына карабастан эки жумадан бери психиатриялык ооруканада кармалып жаткан крым-татар элинин межилис башчысынын орун басарын бошотууга чакырды.

18-августта Илми Умеров Симферополдогу ооруканалардын бириндеги кардиологиялык бөлүмдөн психиатриялык клиникага экспертиза үчүн деген негизде күч менен которулган.

"Диссиденттерди психиатриялык клиникага камоо өнөкөтү бизди абдан тынчсыздандырууда", - деп билдирди Мамлекеттик департаменттин өкүлү Жон Кирби.

Орусия 2014-жылы аннексиялап алган Крымдын бийлиги 59 жаштагы Илми Умеровду теле аркылуу чыгып сүйлөгөн сөзүндө "Орусияны Крымдан жана Донбасстан чыгып кетүүгө мажбур кылыш керек" деген сөзү менен сепаратизмге чакырык таштаган деп айыптоодо.

Буга чейин аны бошотуу талабын Европа биримдиги, Human Rights Watch эл аралык укук коргоо уюму жана украин парламенти да койгон болчу. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG