Кыргызстандан Сауд Арабияга ажылык зыяратына кеткен кыргызстандыктардын алгачкы тобу мекенине 18-сентябрда кайтышат. Бул тууралуу “Азаттыкка” муфтияттан кабарлашты.
Кыргызстандан быйыл ажылыкка 3600 жаран барды. Алардын акыркы тобу 30-августта Мекеге жетишкен. Коштоп баргандар жана ашпозчулар 85 кишини түзөт. Зыяраттын баасы 2600 доллар деп эсептелген.
Ажылык амалдары жыл сайын Курман айт учурунда аткарылат. Быйыл Курман айт 12-сентябрда белгиленет.
