Баткен районунун алыскы Зардалы айылында ФАПтын курулушу аяктап, пайдаланууга берилди. Айылдык чакан бейтапкананын курулушуна бейөкмөт уюмдар 2 миллион сомго жакын каражат берген. Ал эми айыл өкмөтү эмеректерге 68 миң сом бөлдү. Андан сырткары облустук Үй-бүлөлүк дарыгерлер борбору медициналык аппараттар менен камсыздады. Буга чейин айылда оорукана жок болгондуктан район борборуна жетпей ара жолдо көз жарган, өлүмгө дуушар болгон жагдайлар кездешип келген. Бул долбоор Кыргызстандагы Швейцария элчилигинин колдоосу менен ишке ашты. (JsA)
