Бишкекте ичинде бала бар автоунааны белгисиз кишилер уурдап кетишти. Машине маркасы - “Мерседес-Бенц”. Айдап качкан адам “Көк-Жар” конушуна багыт алганы айтылууда.
Шаардык милициядан “Азаттыкка” билдиришкендей, кылмыш иши 24-октябрда эртең менен болду.
Жергиликтүү тургун унаасын сыртка айдап чыгып, үйгө жумуш менен кирип-чыкканча белгисиз кишилер аны айдап кетишкен. Бала канча жашта экени жана анын ата-энеси тууралуу маалыматтар иликтөө амалдарына байланыштуу айтыла элек. (SE)
