Бишкек шаарында эске тутуусун жоготкон адам жакындарын издеп жатат. Аны Киев жана Тыныстанов көчөлөрү кесилишкен жерден маршруттук таксинин айдоочусу – Нурлан Ордобаев 30-октябрда таап алган. Айдоочу бул кишини бир апта мурун да көргөн. Бул ирет аны үйүнө алып кетти:
- Аты-жөнүн Тимур Cыдыков деп жатат. Башка эч нерсени эстей албайт. Эгер сүрөтүнөн туугандары тааныса, мага байланышса болот.
Эч нерсе эстей албай жаткан адам болжол менен 30-35 жаштарда. Таанып-билгендер 0703 60-00-51 номуруна - Нурлан Ордобаевге байланышса болот.
Милиция бул боюнча комментарий бере элек. (SE)
